ਅੰਜੂ ਉਰਫ ਫਾਤਿਮਾ ਦੀ‘ਡਿਨਰ’ਕਰਦਿਆਂ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ
ਪਾਕਿਸਤਾਨ ਦੇ ਖੈ਼ਬਰ ਪਖਤੂਨਖਵਾ ਸੂਬੇ ਦੇ ਦੂਰ-ਦੁਰਾਡੇ ਪਿੰਡ ਦੀ ਕਾਨੂੰਨੀ ਤੌਰ ’ਤੇ ਯਾਤਰਾ ਕਰਨ ਵਾਲੀ ਅੰਜੂ, ਜੋ ਹੁਣ ਫਾ਼ਤਿਮਾ ਬਣ ਚੁੱਕੀ ਹੈ, ਉਥੇ ਆਪਣੇ ਪਤੀ ਨਸਰੁੱਲਾ ਦੇ ਦੋਸਤਾਂ ਨਾਲ ਡਿਨਰ ਕਰਦੇ ਦੇਖਿਆ ਗਿਆ। ਸੋਸ਼ਲ ਮੀਡੀਆ ’ਤੇ ਵਾਇਰਲ ਵੀਡੀਓ ’ਚ ਅੰਜੂ ਨੂੰ ਬੁਰਕੇ ਅਤੇ ਨਸਰੁੱਲਾ ਨੂੰ ਟੋਪੀ ਨਾਲ ਜਾ ਸਕਦਾ ਹੈ। ਉਸ ਦੇ ਕਈ ਦੋਸਤ ਵੀ ਮੇਜ਼ ‘ਤੇ ਖਾਣਾ ਖਾਂਦੇ ਦੇਖੇ ਜਾ ਸਕਦੇ ਹਨ। ਕਲਿੱਪ ਨੂੰ ਸਾਂਝਾ ਕਰਦੇ ਹੋਏ ਦਲੀਪ ਕੁਮਾਰ ਖੱਤਰੀ ਨੇ ਲਿਖਿਆ,‘ਕੀ ਪਸ਼ਤੂਨ ਘਰਾਂ ਵਿੱਚ ਇਹ ਰਿਵਾਜ਼ ਹੈ ਕਿ ਤੁਸੀਂ ਆਪਣੀ ਪਤਨੀ ਨੂੰ ਆਪਣੇ ਸਾਰੇ ਦੋਸਤਾਂ ਦੇ ਸਾਹਮਣੇ ਲਿਆਓ ਅਤੇ ਟਿਕ ਟੌਕ ਬਣਾਓ? ਨਸਰੁੱਲਾ ਨੂੰ ਕੌਣ ਵਰਤ ਰਿਹਾ ਹੈ?’ ਸੀਨੀਅਰ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਅੰਜੂ, ਜੋ ਦੋ ਬੱਚਿਆਂ ਦੀ ਮਾਂ ਹੈ, ਨੇ ਪਾਕਿਸਤਾਨ ਦੀ ਯਾਤਰਾ ਦੌਰਾਨ ਇਸਲਾਮ ਕਬੂਲ ਕਰਨ ਤੋਂ ਬਾਅਦ ਮੰਗਲਵਾਰ ਨੂੰ ਆਪਣੇ ਪਾਕਿਸਤਾਨੀ ਫੇਸਬੁੱਕ ਦੋਸਤ ਨਾਲ ਵਿਆਹ ਕਰ ਲਿਆ।
ਜਾਲੌਨ ਜ਼ਿਲੇ ਦੇ ਕੈਲੋਰ ਦੀ ਰਹਿਣ ਵਾਲੀ ਅੰਜੂ ਉਰਫ ਫਾਤਿਮਾ, ਜਿਸ ਨੇ ਧਰਮ ਬਦਲ ਕੇ ਪਾਕਿਸਤਾਨ ਜਾ ਕੇ ਆਪਣੇ ਪ੍ਰੇਮੀ ਨਸਰੁੱਲਾ ਨਾਲ ਵਿਆਹ ਕੀਤਾ। ਮੀਡੀਆ ਦੀਆਂ ਸੁਰਖੀਆਂ ਬਣ ਚੁੱਕੀ ਅੰਜੂ ਤੋਂ ਉਸ ਦੇ ਪਰਿਵਾਰਕ ਮੈਂਬਰ ਸ਼ਰਮ ਮਹਿਸੂਸ ਕਰ ਰਹੇ ਹਨ। ਰਿਸ਼ਤੇਦਾਰਾਂ ਨੇ ਦੱਸਿਆ ਕਿ ਅੰਜੂ ਨੇ ਨਾ ਸਿਰਫ ਆਪਣੇ ਪਰਿਵਾਰ ਸਗੋਂ ਰਿਸ਼ਤੇਦਾਰਾਂ ਦਾ ਵੀ ਸਿਰ ਸ਼ਰਮ ਨਾਲ ਝੁਕਾਇਆ ਹੈ। ਪਰਿਵਾਰਕ ਮੈਂਬਰਾਂ ਮੁਤਾਬਕ ਅੰਜੂ ਨੇ ਪਹਿਲਾਂ ਵੀ ਆਪਣੇ ਪ੍ਰੇਮੀ ਅਰਵਿੰਦ ਨਾਲ ਇਸੇ ਤਰ੍ਹਾਂ ਈਸਾਈ ਧਰਮ ਅਪਣਾ ਕੇ ਵਿਆਹ ਕਰਵਾਇਆ ਸੀ।
