ਸ਼ੁਭ ਸਮਾਂ ਪੁੱਛ ਕੇ ਕੀਤੀ ਡੇਢ ਕਰੋੜ ਦੀ ਕੀਤੀ ਲੁੱਟ, ਜੋਤਸ਼ੀ ਸਣੇ 5 ਕਾਬੂ
ਮਹਾਰਾਸ਼ਟਰ ਦੇ ਪੁਣੇ ਜ਼ਿਲ੍ਹੇ ਦੇ ਬਾਰਾਮਤੀ ਵਿਚ ਪੰਜ ਡਾਕੂਆਂ ਨੇ ਕਥਿਤ ਤੌਰ ‘ਤੇ ਜੋਤਿਸ਼ੀ ਤੋਂ ਸ਼ੁਭ ਮਹੂਰਤ ਕਢਵਾਇਆ ਅਤੇ ਇਕ ਕਰੋੜ ਰੁਪਏ ਤੋਂ ਵੱਧ ਦੀ ਜਾਇਦਾਦ ਲੁੱਟ ਲਈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਇਸ ਮਾਮਲੇ ‘ਚ ਜੋਤਿਸ਼ੀ ਨੂੰ ਪੰਜ ਡਾਕੂਆਂ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਪੰਜ ਲੁਟੇਰੇ ਸਾਗਰ ਗੋਫਾਨੇ ਦੇ ਘਰ ‘ਚ ਉਸ ਸਮੇਂ ਦਾਖਲ ਹੋਏ ਜਦੋਂ ਉਹ ਸ਼ਹਿਰ ਤੋਂ ਬਾਹਰ ਸੀ। ਉਸ ਨੇ ਕਿਹਾ ਕਿ ਉਸ ਨੇ ਗੋਫਾਨੇ ਦੀ ਪਤਨੀ ਦਾ ਮੂੰਹ ਬੰਨ੍ਹ ਦਿੱਤਾ ਤੇ ਅਤੇ 95 ਲੱਖ ਰੁਪਏ ਨਕਦ ਅਤੇ 11 ਲੱਖ ਰੁਪਏ ਦੇ ਗਹਿਣੇ ਲੈ ਕੇ ਫ਼ਰਾਰ ਹੋ ਗਏ।
ਅਧਿਕਾਰੀ ਨੇ ਕਿਹਾ,ਸਾਡੀ ਜਾਂਚ ਸਚਿਨ ਜਗਧਾਨੇ, ਰਾਇਬਾ ਚੌਹਾਨ, ਰਵਿੰਦਰ ਭੌਂਸਲੇ, ਦੁਰਯੋਧਨ ਉਰਫ ਦੀਪਕ ਜਾਧਵ ਅਤੇ ਨਿਤਿਨ ਮੋਰੇ ‘ਤੇ ਕੇਂਦਰਿਤ ਸੀ। ਉਸ ਨੇ ਸਾਨੂੰ ਦੱਸਿਆ ਕਿ ਉਸ ਨੇ ਲੁੱਟ ਦਾ ਸ਼ੁਭ ਸਮਾਂ ਜਾਣਨ ਲਈ ਇਕ ਜੋਤਿਸ਼ੀ ਨਾਲ ਸਲਾਹ ਕੀਤੀ ਸੀ। ਇਸ ਲਈ ਅਸੀਂ ਜੋਤਿਸ਼ੀ ਰਾਮਚੰਦਰ ਚਾਵਾ ਨੂੰ ਅਪਰਾਧ ਵਿਚ ਉਸ ਦੀ ਭੂਮਿਕਾ ਲਈ ਗ੍ਰਿਫ਼ਤਾਰ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਅਸੀਂ 76 ਲੱਖ ਰੁਪਏ ਬਰਾਮਦ ਕੀਤੇ ਹਨ। ਅਗਲੇਰੀ ਜਾਂਚ ਚੱਲ ਰਹੀ ਹੈ।
